This man was allegedly butchered to death by some unknown cultist in Lagos.
Read the account. It's written in Nigerian pidgin English.
When we dey believe say CULT activities don calm down for AJ CITY, sometin terrible happen yesterday for NOSAMU main junction in di nite around 10.20 pm.
According to eye witness report, SAHEED RAJI ADONA dey junction dey relax wit him friends wen dis set of cult boys enta di area and from all indication dem come carry out HIT to delete somebodi and unfortunately for SAHEED everbodi run leave am including di person wen dem dey look for, di next tin na GUN shot and dem begin butcher SAHEED like meat wen dem wan sell for boundary market.
Since morning until di time of posting dis report police still dey try to make sure everytin calm down. For di Youths of NOSAMU street and beyond testimony full everywhere say SAHEED nobi cult boy and there is no way him dey involve wit dier system.
Dis killing mata don taya everybodi for AJ CITY and i think it is time for di commissioner of police to come and sweep all dis non sense youths like dem do for IKORODU wit BADOO BOYS.... Water fall for my eyes as i dey look dis pictures. God help us for AJ CITY. Pls say no too cultism
No comments:
Post a Comment
Did you enjoyed this article ? Feel free to drop your comments